દેશભરમાં 27 એપ્રિલે હનુમાન જયંતીની ઉજવણી કરવામાં આવી રહી છે. આ શુભ દિવસે ભગવાન હનુમાનની પૂજા કરવામાં આવે છે. હનુમાન ભગવાન રામના ભક્ત અને સેવક હતા.ટીવીની દુનિયામાં એવા ઘણા શો પણ થયા છે જેમાં ભગવાન હનુમાનની વાર્તા દર્શાવવામાં આવી છે. હનુમાનનો રોલ કરીને ઘણા સ્ટાર્સ લોકપ્રિય બન્યા હતા. હનુમાનની ભૂમિકા ભજવનારની વાત કરવામાં આવે તો પહેલું નામ દારા સિંહનું આવે છે. દારા સિંહે રામાનંદ સાગરની રામાયણમાં હનુમાનની ભૂમિકા ભજવી હતી. આ ભૂમિકાએ તેને ખૂબ લોકપ્રિય બનાવ્યા. દારા સિંહના પુત્ર વિંદુ દારા સિંહે પણ હનુમાનની ભૂમિકા ભજવી હતી. તે જય વીર હનુમાન શોમાં જોવા મળ્યો હતો. અભિનેતા ઇશાંત ભાનુશાલીએ શો ‘સંકટમોચન મહાબલી હનુમાન’માં બાલ હનુમાનનો રોલ કર્યો હતો. તેમની ભૂમિકાને સારો આવકાર મળ્યો હતો. હનુમાનનો રોલ બાલ અભિનેતા ઇન્શાત ભાનુશાલીએ તોફાની અંદાજમાં રીતે સારો ભજવ્યો હતો. અભિનેતા નિર્ભય વાધવા શો સંકટમોચન મહાબલી હનુમાનમાં જોવા મળ્યો હતો. તેણે ભજવેલો શો અને પાત્ર ખૂબ લોકપ્રિય હતું. વિક્રમ શર્માએ 2008માં રામાયણમાં ભગવાન હનુમાનની ભૂમિકા ભજવી હતી. તેની ભૂમિકા વિશે ખૂબ ચર્ચા થઈ હતી અને તેણે તેના માટે ઘણા પુરસ્કારો મળ્યા હતા. સ્ટાર પ્લસ શો ‘સિયા કે રામ’ ખૂબ ચર્ચિત શો હતો. અભિનેતા દાનિશ અખ્તરે આ શોમાં હનુમાનની ભૂમિકા ભજવી હતી. જણાવી દઈએ કે ડેનિશ વાસ્તવિક જીવનમાં કુસ્તીબાજ છે. હનુમાન પરના શોની વાત કરીએ તો 1997માં જય હનુમાન નામનો શો હતો. તેમાં ભગવાનના બાળપણને ખૂબ સારી રીતે દર્શાવવામાં આવ્યું હતું. કહત હનુમાન જય શ્રીરામ શો પણ ચર્ચામાં રહ્યો હતો.
હનુમાન જયંતી 2021, હનુમાનની ભૂમિકા ભજવીને આ સ્ટાર્સ બન્યા ફેમસ, આ સીરિયલ્સની પણ થઈ ચર્ચા.
