મંગળવારે પંજાબ-હરિયાણા અને ઉત્તર પ્રદેશના ખેડૂતો સામે ત્રણ કૃષિ કાયદાઓ વિરુદ્ધ દેખાવો ચાલુ રહ્યો છે. દિલ્હી-યુપીની ગાઝીપુર સરહદે ખેડુતોની સંખ્યામાં વધારો થવાને કારણે કડક સુરક્ષા રાખવામાં આવી છે. સુરક્ષા વ્યવસ્થાને ધ્યાનમાં રાખીને પોલીસે ગાઝીપુર બોર્ડરને સંપૂર્ણ સીલ કરી દીધી છે. ખેડૂતોની વધતી સંખ્યાને ધ્યાનમાં રાખીને પોલીસ દ્વારા વિશેષ વ્યવસ્થા પણ કરવામાં આવી છે. ગાજીપુર બોર્ડરની આજુબાજુ પોલીસે બેરિકેડ લગાવી દીધા છે. આ સાથે અહીં સિમેન્ટના બેરીકેડ બનાવવામાં આવ્યા છે. આટલું જ નહીં, રસ્તાઓ પર ખીલ્લાંઓ લગાડવામાં આવ્યા છે. તેથી જો ખેડૂત ટ્રેક્ટર લઈને પસાર થાય છે, તો તેના ટાયર ફાટી જાય અથવા તેમાં પંચર થઈ જાય. મંગળવારે દિલ્હી-એનસીઆરના અનેક વિસ્તારોમાં સિંઘુ, ટિકરી અને ગાઝીપુર બોર્ડર પર ખેડૂતોના પ્રદર્શનને કારણે રૂટ ડાયવર્ઝન પણ કરવામાં આવ્યું છે. લોકોને આનાથી મુશ્કેલી આવી રહી છે. દિલ્હી ટ્રાફિક પોલીસે લોકો માટે વૈકલ્પિક માર્ગો સૂચવ્યાં છે, જે મુસાફરીને સરળ બનાવી શકે છે. આ સાથે ગાઝીપુર બોર્ડર પર તારની સાથે તીક્ષ્ણ ખીલ્લાંઓ પણ લગાવવામાં આવ્યા છે, જેથી ખેડૂત વિરોધ પ્રદર્શનકારોને રોકી શકાય. બેઠક બાદ આંદોલનકારીઓના નેતાઓ બલબીરસિંહ રાજેવાલ, યોગેન્દ્ર યાદવ, ડો. દર્શન પાલ, ગુરનમસિંહ, વગેરેએ જણાવ્યું હતું કે સરકાર રસ્તાઓ બંધ કરી રહી છે, રસ્તાઓ ખોદી રહી છે. તેમણે આને સરકારનું તાનાશાહી ગણાવ્યું. સાથે જ આંદોલનકારીઓના નેતાઓએ સ્પષ્ટ કહ્યું કે આવા વાતાવરણમાં સરકાર સાથે વાત કરવાનું કોઈ ઉચિત નથી. આંદોલનમાં અસામાજિક અને બાહ્ય તત્વો પર નજર રાખવા માટે એક નિરીક્ષણ વ્યૂહરચના બનાવવામાં આવી છે. જો કોઈ શંકાસ્પદ લાગે તો તેમની ઓળખ સ્પષ્ટ કરવા માટે ઘડવામાં આવી છે. આવા કિસ્સામાં તેણે પોતાનું ઓળખકાર્ડ બતાવવું પડશે. જો ઓળખ કાર્ડ ત્યાં ન હોય તો પોલીસને સંતોષ ન થાય ત્યાં સુધી તે વ્યક્તિને કસ્ટડીમાં રહેવું પડી શકે છે. ત્રણ કેન્દ્રીય કૃષિ કાયદાઓ વિરુદ્ધ દિલ્હી-હરિયાણાની સિંધુ સરહદ પર ચાલતા ખેડુતોના ધરણા પ્રદર્શન મંગળવારે 68 માં દિવસે પ્રવેશી ગયું છે. સિંઘુ બોર્ડર, ટિકારી બોર્ડર અને ગાઝીપુર બોર્ડર પર ઇન્ટરનેટ સેવા મંળવાર રાત્રે 11 વાગ્યા સુધી બંધ રહેશે. આ દરમિયાન, છેલ્લા એક અઠવાડિયાથી ખેડૂત આંદોલનનું કેન્દ્ર બનેલી યુપી બોર્ડર (ગાઝીપુર બોર્ડર) પર કડક સુરક્ષા ગોઠવવામાં આવી છે.
![Chakravatnews](https://www.chakravatnews.co.in/wp-content/uploads/2022/03/MY-CH-3-300x300.jpg)
![Chakravatnews](https://www.chakravatnews.co.in/wp-content/uploads/2022/03/SAVE_20220314_222815-300x234.jpg)