સનરાઇઝર્સ હૈદરાબાદના સ્પિનર રાશિદ ખાનને લાગે છે કે અભિષેક શર્મા ભવિષ્યમાં ભારત માટે યોગ્ય ઓલરાઉન્ડર બની જશે. ખલીલ અહમદ અને અભિષેક શર્માના શાનદાર બોલિંગ પ્રયાસે બુધવારે અહીં ચેન્નાઈના એમએ ચિદમ્બરમ સ્ટેડિયમમાં સનરાઇઝર્સ હૈદરાબાદ માટે પંજાબ કિંગ્સને 19.4 ઓવરમાં 120 રન પર અટકાવી હતી. ત્યારબાદ રાશિદ ખાને અભિષેક શર્માની પ્રશંસા કરી છે. 121 રનના ટાર્ગેટનો પીછો કરવા ઉતરેલી હૈદરાબાદની ટીમ એક વિકેટ ગુમાવીને 121 રનના ટાર્ગેટ સુધી પહોંચી ગઈ હતી. મેચ બાદ આઇપીએલની વેબસાઈટ પર જાહેર કરાયેલા એક વીડિયોમાં રાશિદ ખાને અભિષેક શર્માને કહ્યું હતું કે, “તમે ભવિષ્યમાં ભારત માટે યોગ્ય ઓલરાઉન્ડર બની જશો જે પોતાની ટીમ માટે ઘણી મેચો રમશે અને જીતશે. તમારી પાસે ઘણી ક્ષમતા છે. મહેનત કરશો તો સફળતા મળશે. ” બીજી તરફ રાશિદ ખાનને અભિષેક શર્માએ પોતાના પર્ફોમન્સ પર કહ્યું કે, “હું બોલિંગની ઘણી પ્રેક્ટિસ કરતો હતો. પંજાબ કિંગ્સ સામેની મેચ પહેલા જ્યારે અમે અમારા પડાવ પર હતા ત્યારે કેપ્ટન ડેવિડ વોર્નરે મને કહ્યું હતું કે તમે પ્રથમ ઓવરમાં બોલિંગ કરવાના છો. મેં તે સારી રીતે સાંભળ્યું ન હોતું, તેથી ફરી એકવાર તેની પુષ્ટિ કરી, મને અમારી ટીમ માટે કામ કરવાનો પણ વિશ્વાસ હતો. ” તેણે આગળ કહ્યું. “લોકડાઉન દરમિયાન અમે ઘરે હતા, મારા પિતા મારા બાળપણના કોચ છે, તેઓ ડાબોડી સ્પિનર હતા તેથી લોકડાઉન દરમિયાન મેં તેમની પાસેથી ઘણું શીખ્યું છે. જેમ કે સ્લાઇડર. મને મેચમાં તેનો અમલ કરવા માટે વિશ્વાસ હતો. મને લાગે છે કે હું આ બોલ રમી રમતના કોઈપણ સ્તરે રમી શકું છું. અભિષેક શર્માએ 4 ઓવરમાં 24 રન આપ્યા હતા અને ટીમ માટે 2 મહત્વપૂર્ણ વિકેટ ઝડપી હતી.
