સ્વિટ્ઝર્લેન્ડમાં સંશોધનકારોએ પ્રશિક્ષણ માટે એક ટ્રાયલની શરૂઆત કરી છે. આ અંતર્ગત સ્નિફર ડોગ્સની તપાસ થશે કે શું તેઓ કોવિડ -19 ચેપગ્રસ્ત લોકોને શોધી શકે છે. જિનીવા યુનિવર્સિટી હોસ્પિટલના સંશોધનકારો આ કૂતરાઓને ટ્રેનિંગ આપી રહ્યા છે. આ માટે તેઓને ચેપગ્રસ્ત અને સ્વસ્થ લોકોના સેમ્પલ વચ્ચે રાખવામાં આવ્યા છે. હોસ્પિટલ દ્વારા આ અંગેની માહિતી આપવામાં આવી હતી. આ અભ્યાસ સ્વિટ્ઝરલેન્ડની સૌથી મોટી યુનિવર્સિટી, હોસ્પિટલ અને સ્વિટ્ઝર્લેન્ડની આર્મી અને સંયુક્ત રાષ્ટ્ર સુરક્ષા વિભાગના સહયોગથી કરવામાં આવ્યો હતો. માર્ચના અંત સુધીમાં આ અભ્યાસના પરિણામો બહાર આવશે. ફ્રાંસ, જર્મની અને અન્ય દેશોના પ્રારંભિક પરિણામો સૂચવે છે કે પ્રશિક્ષિત સ્નિફર કૂતરા કોવિડ -19 ચેપ શોધી શકે છે.
